बाबियोको डोरी बाटेर लिङ्गेपिङ हालिन्थ्यो
साउने संक्रान्तिको बेलामा राँको बालिन्थ्यो
पाइप गोलोबनाई साईकल बनाई गुडाउँथ्यौं
खड्गदेवी मन्दिरमा गई चङ्गा उडाउँथ्यौं।

रोपाइँजात्रा सिङ्गारीएर रमाइलो गरीन्थ्यो
घरघरमा मागेको पैसाले खल्ती भरीन्थ्यो
फूलपातीमा रातैभरी चूडका नाचेको हेरीन्थ्यो
नजा भन्थे घरकाले तर के को टेरीन्थ्यो ?

बाँसको पचुका बनाई फागुमा रंग हानेको 
ठूलाठूला मुढा ल्याएर शिवरात्री मानेको
एकादशी जात्रा हेर्दै अस्पतेमा डुलेको
यस्तै यस्तै संझनाहरु छैन मैले भुलेको।