सबै व्यवहार छोडेकोछु तिम्रै भरमा पियारी 
राम्रो संग बसिराख बालबच्चा सियारी 
पाएसम्म छुट्टी मिलाई आउँछु हरेक वर्ष 
जीवनमा कहिले आँशु कहिले हुन्छ हर्ष । 

सकेसम्म जोगाएर पठाउँला कमाइ  
धेरै खर्च नगर्नु है राखिराख्नु समाई 
चिप्लो पारी पारी कोही पैसा माग्न आउलान  
एक पटकमा नपाए नि बारम्बार धाउलान । 

पैसा फुत्काइ लगेपछि फिर्ता पाउन गार्हो 
त्यही पैसा बन्छ पछि मायाको तगारो 
सधैँ संगै बस्छु भन्थे यस्तै भयो चाल  
जे भए नि नछुटोस है हाम्रो मायाजाल ।